නුවරඑළිය නානුඔයේ දී අද (20) පස්වරුවේ සිදුවූ අනතුරකින් 7 දෙනෙකු මියගොස් 40කට අධික පිරිසක් තුවාල ලබා ඇතැයි වාර්තා වේ.
මෙම අනතුර සිදුව ඇත්තේ බස් රථයක් සහ වෑන් රථයක් සහ ත්‍රිරෝද රථයක් එකිනෙක ගැටී ප්‍රපාතයට යාමෙනි.
මෙලෙස අනතුරට ලක්ව ඇත්තේ, කොළඹ තර්ස්ටන් විද්‍යාලයේ අධ්‍යාපන චාරිකාවකට එක් වූ සිසුන් රැගත් බස් රියක් සහ වෙනත් පිරිසක් රැගත් වෑන් රියකි.
තුවාලකරුවන් රෝහල්ගත කරමින් පවතී.
බසයේ ගමන් ගත් කොළඹ තර්ස්ටන් විද්‍යාලයේ ළමුන් තුවාල ලැබූවන් අතර වන බව වාර්තා වේ.
මියගොස් ඇත්තේ වෑන් රථයේ ගමන් ගත් 6 දෙනෙකු සහ ත්‍රිරෝද රියදුරු වන බව ද ආරංචි මාර්ග පැවැසීය.
