පසුගිය සමයේ ඇති වූ ව්යසනයෙන් පසු පවතින ආර්ථික අභියෝග සැළකිල්ලට ගෙන, මාස තුනකට පසු නිෂ්කාශනය කරන වාහන සඳහා අයකරන සියයට 3ක දඩය ඉවත් කරන ලෙස ශ්රී ලංකා වාහන ආනයනකරුවන්ගේ සංගමයේ සභාපති ප්රසාද් මානගේ රජයෙන් ඉල්ලා සිටියි.
මෙම ව්යසනය නිසා වාහන අලෙවිය පහළ ගොස් ඇති බවත්, මූල්ය දුෂ්කරතා හේතුවෙන් බොහෝ ගනුදෙනුකරුවන්ට ඔවුන්ගේ මිලදී ගැනීම් සම්පූර්ණ කිරීමට නොහැකි වී ඇති බවත් ඔහු සඳහන් කළේය.
සාමාන්ය ජනතාව බහුලව භාවිත කරන කුඩා වාහනවල මිල අඩු කිරීමට රජය ප්රමුඛත්වය දිය යුතු බව ද මානගේ අවධාරණය කළේය.
අඩු එන්ජින් ධාරිතාවක් සහිත වාහන සඳහා මිල ගණන් සහ බදු ව්යුහය සංශෝධනය කරන ලෙස ඔහු ඉල්ලා සිටියේය.
මධ්යම ආදායම් ලබන පාරිභෝගිකයන් විසින් සාමාන්යයෙන් මිලදී ගන්නා ඇල්ටෝ, වැගන් ආර්, යාරිස් සහ හස්ට්ලර් වැනි මාදිලි ඇතුළුව 1,000cc කාණ්ඩය සඳහා මෙම සහනය ලබාදීම සුදුසු බව ඔහු සඳහන් කළේය.
වැගන් ආර් කුඩා, ඉන්ධන කාර්යක්ෂම වාහනයක් වුවද, දැනට රුපියල් මිලියන 4ක පමණ බදු අය කරන බව පෙන්වා දෙමින් ඔහු පැවසුවේ, “මේවා ප්රධාන වශයෙන් මධ්යම පාන්තික පුරවැසියන් විසින් මිලදී ගන්නා වාහන. එවැනි වාහන දිරිමත් කර සාමාන්ය ජනතාවට වඩාත් ප්රවේශ විය හැකි කළ යුතුයි.” යනුවෙනි.
