මෙවර වෙසක් පුර පසලොස්වක පොහොය නිමිත්තෙන් ජනාධිපති පොදු සමාව යටතේ නිදහස ලැබීමට නිර්දේශිත සිරකරුවන්ගේ ලැයිස්තුවේ පූජ්‍ය ගලගොඩඅත්තේ ඥාණසාර හිමියන්ගේ නම නොමැති බව බන්ධනාගාර දෙපාර්තමේන්තුව පවසනවා.
සිරදඩුමට ලක්ව සිටින පූජ්‍ය ගලගොඩඅත්තේ ඥාණසාර හිමියන් මේ වනවිට රදවා සිටින්නේ වැලිකඩ බන්ධනාගාර රෝහලේයි. ඉකුත් දිනවල උන්වහන්සේගේ සුවදුක් විමසීමට පාර්ලිමේන්තු මන්තී‍්‍රවරුන් කිහිප දෙනෙකුම පැමිණ ඇති අතර ඔවුන් කියාසිටියේ පූජ්‍ය ගලගොඩඅත්තේ ඥාණසාර හිමියන් ජනපති පොදු සමාව යටතේ නිදහස් කළ යුතු බවයි. පූජ්‍ය ගලගොඩඅත්තේ ඥාණසාර හිමියන් ජනපති පොදු සමාව යටතේ නිදහස් කරන්නැයි ඊට පෙරද අවස්ථා කිහිපයකදීම ඉල්ලීම් ඉදිරිපත් වුණා.
