නවතම පුවත්

ඕනෑම වෙලාවක ඕනෑම මොහොතක රටපුරා විදුලිය කැපේ

උමංග බණ්ඩාර

උමංග බණ්ඩාර

විදුලි නිෂ්පාදනයට වඩා ඉල්ලුම ඉහළ ගොස් තිබීම හේතුවෙන් අද (25දා) දින සිට ලංකාවේ ඕනෑම ප්‍රදේශයකට අවස්ථා දෙකකදී පැය හතරක කාලයක් විදුලිය විසන්ධි විය හැකි බව ලංකා විදුලිබල මණ්ඩලය පවසයි

දෛනිකව විදුලිය විසන්ධි කරන ප්‍රදේශ නම් වශයෙන් ඉදිරියේදී ප්‍රකාශ කරන බවත්, එතෙක් ලංකාවේ ඕනෑම ප්‍රදේශයකට උදෑසන 8.30ත් සවස 5.30ත් අතර කාලය තුළදී පැය තුනක කාලයක් විදුලිය විසන්ධි විය හැකි බවද එම මණ්ඩලයේ සාමාන්‍යාධිකාරී එස්.ඩී. ගුණවර්ධන මහතා සඳහන් කළේය.

මීට අමතරව සවස 5.30 සිට 6.30 දක්වා විදුලි විසන්ධි කිරීමක් සිදුනොවන අතර, සවස 6.30 සිට 7.30 දක්වාත්, සවස 7.30 සිට රාත්‍රී 8.30 දක්වාත්, රාත්‍රී 8.30 සිට 9.30 දක්වාත් පැයක් වශයෙන් විදුලිය විසන්ධි විය හැකි බවද ඒ මහතා පවසා සිටියේය. 

ජනතාව අරපිරිමැස්මෙන් විදුලිය භාවිත කළහොත් විදුලි කප්පාදු ප්‍රමාණය මීට වඩා අඩුවන බවද හෙතෙම අවධාරණය කළේය. නව ක්‍රමවේදයට අනුව දහවල් කාලයේදී උදේ 8.30 සිට 11.30 දක්වා එක් කොටසකටත්, උදෑසන 11.30 සිට සවස 2.30 දක්වා තවත් කොටසකටත්, 2.30 සිට සවස 5.30 දක්වා තවත් කොටසකටත් විදුලිය විසන්ධි වන බවද සාමාන්‍යාධිකාරීවරයා සඳහන් කළේය.

දෛනිකව දහවල් කාලයේ විදුලි නිෂ්පාදනය මෙගාවොට් එක්දහස් නවසිය පනහක් වන අතර, දෛනික විදුලි ඉල්ලුම මෙගාවොට් දෙදහස් තුන්සියක් බවත්, මෙම තත්ත්වය හේතුවෙන් විදුලිය විසන්ධි වීම සිදුවන බවත් හෙතෙම පැවසීය. 

එසේම මේ වනවිට අදාළ ප්‍රදේශවල නාමලේඛනයක් විදුලිබල අමාත්‍යාංශයට අනුමැතිය ලබාගැනීම සඳහා යොමුකර තිබෙන බවත්, එයට අනුමැතිය ලැබුණු පසු ප්‍ර‘දේශ වශයෙන් ප්‍රසිද්ධියට පත් කරන බවත් සාමාන්‍යාධිකාරීවරයා වැඩිදුරටත් සඳහන් කළේය.

IMG_20230506_153030
රජයේ ක්‍රියාවලියට රිචඩ් වර්මාගේ පැසසුම් !
image-26
මීඩියා ලෝකයේ වැඩකාරයෙක් වෙන්න ඕනෙද ?
image-25
රට පුරා ව්‍යාජ වෛද්‍යවරුන් 50,000ක්
image-24
දරුවන් 1500ක් පමණ බන්ධනාගාරවල
Navam-Poya
නවම් පුර පොහොය අදයි
land sale
කොළඹ ඉඩම් මිල ඉබි ගමනක
image-23
කොළඹ නගර සභාවේ ප්‍රථම ප්‍රධාන සෞඛ්‍ය වෛද්‍ය නිලධාරිනිය !
Maks-18x13-
කාලය , අවකාශය තුල මාක්ස්වාදය අද සවස එළි දකී !
image-19
ලිබර්ටි මෝටර් එන්ටප්‍රයිස් ආයතනයේ 25 වන සංවත්සරය "රනින් බැබලේ"
image-18
රුපියල නගින මැජික් එක !