තල්පේ හන්දියේ පිහිටි ජැක් ඇන්ඩ් නෙල්ලි විලා හීදී රුසියානුවන් සිව් දෙනෙක් විසින් රුසියානුවෙකුට පහරදී රුපියල් ලක්ෂ 38ක මුදලක් කොල්ලකා ඇත.
මෙම පහරදීම සිදුව ඇත්තේ පසුගිය 09 වෙනිදා සවස් කාලයේදීය.
පහරකෑමෙන් තුවාල ලැබූ Vitawii Knirz නැමැති රුසියානුවා ගාල්ල කරාපිටිය රෝහලට ඇතුලත්ව ප්‍රතිකාර ගනු ලබයි.
මෙම රුසියානුවන් මෙරට රැදී සිටිමින් නීති විරෝධි ලෙස විනිමය හුවමාරුකටයුතු වල නිරතව සිටින මොවුන් අතර රුසියානු රූබල් ශ්‍රී ලංකා රුපියල්වලට මාරුකිරීම සම්බන්ධයෙන් ඇතිවුණු ආරවුලක් මත මෙම පහරදීම සිදුව ඇති බව පොලීසිය කියයි.
මෙතෙක් මෙම පහරදීමට සම්බන්ධ රුසියානුවන් සිව් දෙනා අත්අඩංගුවට ගෙන නැත.
