නවතම පුවත්

සංචාරක පැමිණීමෙන් මේ වසරේ ආදායම ඇ.ඩොලර් බිලියනය ඉක්මවයි

අසංක

අසංක

ශ්‍රී ලංකාවට පැමිණෙන ජාත්‍යන්තර සංචාරකයින්‍ගේ ඉහළ යාමත් සමඟ ‍මේ වසරේ ජනවාරි සිට ජුලි දක්වා කාලය තුළ සංචාරක කර්මාන්තයෙන් ලද ඉපැයීම ඇමරිකානු ඩොලර් බිලියන 1 සීමාව ඉක්මවා තිබේ.

ශ්‍රී ලංකා මහබැංකුවේ දත්ත වාර්තා පවසන පරිදි මෙරටට ආ සංචාරයකයන්ගෙන් ගෙවුණු ජූලි මාසයේදී ලද ඉපැයීම ඇමරිකානු ඩොලර් මිලියන 219 කි.

ඒ අනුව මේ වසරේ පළමු මාස ​​හත තුළ මුළු සංචාරක ඉපැයීම් ඇ.ඩො. බිලියන 1.094කි. එය 2022 වසරේ එම කාලය හා සසඳන විට 43.1% ක වර්ධනයකි.

ජනවාරි සිට ජූලි දක්වා කාලය තුළ සංචාරකයින් 767,913ක් මෙරටට පැමිණීම තුළින් මෙම මුදල උපයා ඇත.

2022 නොවැම්බර් මාසයේදී සංචාරක ඉපැයීම් ඇමෙරිකානු ඩොලර් බිලියන 1 ක සන්ධිස්ථානයකට ළඟා වූ නමුත් එම මුළු වසර සඳහාම සංචාරක ඉපැයීම් ඩොලර් බිලියන 1.136 ක් විය.

2021 වර්ෂයේදී සංචාරක අංශය උපයා ගත්තේ ඇමෙරිකානු ඩොලර් මිලියන 633ක් පමණකි.

2020, එනම් වසංගතය ඇති වූ වර්ෂයේදී එම කර්මාන්තය ඇමෙරිකානු ඩොලර් බිලියන 1.08ක ආදායමක් උපයා ගැනීමට සමත් විය.

2023 ජූලි මාසය Covid-19 වසංගතය ආරම්භයේ සිට ඇමරිකානු ඩොලර් මිලියන 200 ක මාසික ඉපැයීම් සීමාව ඉක්මවා ගිය පළමු මාසය බවට ද පත්ව තිබේ.

2029 වන විට සංචාරකයන් මිලියන 5ක් ආකර්ශනය කර ගැනීමට ශ්‍රී ලංකා සංචාරක සංවර්ධන අධිකාරිය (SLTDA) අපේක්ෂා කරයි.

සංචාරක සංවර්ධන අධිකාරිය නවතම සංඛ්‍යාලේඛන පෙන්නුම් කළේ ජනවාරි 1 සිට අගෝස්තු 10 දක්වා ශ්‍රී ලංකාව විදෙස් සංචාරකයන් 819, 507 ක් පිළිගෙන ඇති බවයි.

අගෝස්තු මාසයේ පළමු දින 10 සඳහා සංචාරකයින් 51,594ක් රට තුළට ඇතුළු වී ඇත.

දෛනික පැමිණීමේ සාමාන්‍යය 5,159කි. අගෝස්තු මාසය සඳහා සංචාරකයින් 149,015ක් ආකර්ෂණය කර ගැනීමට කර්මාන්තය අපේක්ෂා කරයි.

DEARO MAIN IMAGE
Dearo Investment වසරේ විශිෂ්ටම සංවර්ධන ආයෝජන සමාගම ලෙස Asia Miracle සම්මාන දිනයි
IIHS-3
IIHS සාමාන්‍ය පෙළ හා උසස් පෙළ සිසුන්ට වෘත්තීය ගමන් මඟ තෝරා ගැනීමට දොර විවර කරයි
rice & curry
ලෝකයේ හොඳම බත් වර්ග 10 අතරට ශ්‍රී ලංකාවේ 'රයිස් & කරි'
image-11
ශ්‍රී ලංකාව තිරසර සංවර්ධනයක් කරා මෙහෙයවන වාර්තාව මෙන්න
Tourism
සංචාරක ආදායම 78%කින් ඉහළට
image-9
නුවරඑළිය සීතාඅම්මාන් කෝවිලේ මංගලාභි⁣ෂේක මංගල්‍යය
image-8
ක්ලබ් වසන්තගේ අවසන් සේයාරුව ...
1623316357-Health-trade-unions-to-go-ahead-with-strike-action-L
වෘත්තීය සමිති 200ක් පැය 48ක වෘත්තීය ක්‍රියාමාර්ගයකට සැරසෙයි!
image-7
ජනාධිපතිවරණය ගැන මැතිවරණ කොමිසමෙන් ඉඟියක් !
image-6
'සුදු'වෙන්නේ බලාගෙනයි !