නව කොරෝනා වෛරසය ආසාදිත බවට අද හදුනාගත් රෝගීන් 20 දෙනාගෙන් 10 දෙනකුම දැනට මුද්‍රා තබා හුදෙකලා කර ඇති පුත්තලම කඩයමන්කුලම ගම්මානයේ පිරිසක් බව අනාවරණය වෙයි.
ඔවුන් නිරෝධයානය සදහා පුත්තලම සහිරා විද්‍යාලය පිහිටුවා තිබෙන නිරෝධායන මධ්‍යස්ථානයේ රදවා සිට ඇති අතර රෝග ලක්ෂණ මතුවූ 20 දෙනෙක් ඊයේ අනුරාධපුර රෝහලට ඇතුළත් කර තිබේ.
ඔවුන්ගේ සාම්පල පරීක්ෂා කිරීමේ දී අනාවරණය වී ඇත්තේ 10 දෙනකුට කොවිඩ්-19 වෛරසය ආසාදනය වී ඇති බවය.
අද දවස තුළ මෙම වෛරසය ආසාදිත සෙසු 10 දෙනාගෙන් සිව්දෙනෙක් බේරුවල මුද්‍රා තබා හුදෙකලා කර ඇති ගම්මානයේ වැසියන් බවත් දෙදෙනෙක් අටලුගම මුද්‍රා තබා ඇති ගම්මානයේ දෙදෙනෙක් බවත් අනාවරණය වේ.
මුද්‍රා තබා තිබූ අකුරණ ප්‍රදේශයේ තිදෙනකු ද මීට ඇතුළත් ය. තවත් අයකු කොළඹින් වාර්තා වි ඇත.
ඒ අනුව අද දිනයේ සොයාගත් රෝගීන් වැළදුණු 20 දෙනාගෙන 16 දෙනෙක්ම කල්තියා හදුනාගෙන හුදකෙලා කරන ලද ගම්මාන 3ක වැසියන් ය.
