අනුරාධපුරය, ප්‍රදේශයෙන් ඊයේ දිනයේදී කොරෝනා වෛරසය ආසාදනය වී ඇති බවට තහවුරු වූ කාන්තාවගෙන් වෙනත් පුද්ගලයින්ට වෛරසය සම්ප්‍රේෂණය වීමේ ඉඩක් නොමැති බව සෞඛ්‍ය අංශ අවධාරණය කර සිටී.
මෙවැනි රෝගීන් සම්පුර්ණයෙන් විෂබිජ හරණයකට ලක්ව ඇති බැවින් ඔවුන් ගෙන් වෙනත් පුද්ගලයෙකුට වෛරසය සම්ප්‍රේෂණය වීමක් හෝ රෝග පැතිරීමක් සිදුනොවන බව සෞඛ්‍ය අධ්‍යක්ෂක ජනරාල් අනිල් ජාසිංහ මහතා මාධ්‍ය වෙත අද පැවසීය
මෙවැනි රෝගීන්ගේ ශරිරයන් තුල තිබෙන මියගිය ආර් එම් ඒ (RMA) කොටස් හේතුවෙන් මෙසේ ඔවුන් යළි රෝගීන් බවට පත්වන බවත් ජාසිංහ මහතා මෙහිදී පැවසීය
මෙම කාන්තාවගේ නිවසේ සිටින සාමාජිකයින් හෝ ආශ්‍රිතයින් නිරෝධායන ක්‍රියාවලියට ලක් කොට නොමැති බවද ඔහු මෙහිදී වැඩිදුරටත් ප්‍රකාශ කර සිටියේය .
