ජනාධිපතිවරණය වෙනුවෙන් අනුරාධපුර දිස්ත්‍රික්කයේ ඡන්ද රාජකාරිවල නිරතවීමට අපේක්ෂා කරන රාජ්‍ය සේවකයන් විසින් ඉදිරිපත් කර තිබෙන තැපැල් ඡන්ද අයදුම්පත් 53,000කින් අයදුම්පත් 6000කට ආසන්න ප්‍රමාණයක්ම ප්‍රතික්ෂේප කර ඇත.
අනුරාධපුර දිස්ත්‍රික් ලේකම් ආර්.එම්.වන්නිනායක පවසන්නේ තැපැල් ඡන්ද අයදුම්පත් සකස් කිරිමේදී සිදුව ඇති විවිධ අඩුපාඩුකම් හේතුවෙන් මෙම අයදුම්පත් ප්‍රතික්ෂේප කිරිමට සිදුව ඇති බවය.
අනුරාධපුර දිස්ත්‍රික්කයේ පුද්ගලයන් 682,450ක් මෙවර ජනාධිපතිවරණයේ දී ඡන්දය ලබාදිමට සුදුසුකම් ලබා තිබේ. අනුරාධපුර දිස්ත්‍රික්කයේ ඡන්ද මධ්‍යස්ථාන 634ක් වන අතර තැපැල් ඡන්ද සළකුණු කිරිම මේ මස 31 දින හා ලබන මස 01 වන දින සිදු කිරීමට නියමිතය.
