කොරෝනා වසංගත ව්‍යාප්තිය හමුවේ ශ්‍රී ලංකාවට අවශ්‍ය ශ්වසන ආධාරක යන්ත්‍ර ලබාදීමට අමෙරිකාව සූදානම් බව එරට ආරක්ෂක උපදේශක රොබට් ඔ බ්‍රයන් මහතා ජනාධිපති ගෝඨාභය රාජපක්ෂ මහතා වෙත දැනුම් දී ඇත.
අමෙරිකානු ජනාධිපති ඩොනල්ඩ් ට්‍රම්ප් මහතාගේ ගේ උපදෙස් මත මෙම ශ්වසන අධාරක තොගය ලබාදෙන බවද රොබට් ඔ බ්‍රයන් මහතා ගෝඨාභය රාජපක්ෂ මහතා වෙත දැනුම් දී ඇති බව අමෙරිකානු ආරක්ෂක කවුන්සිලයේ නිල ට්විටර් ගිණුමේ සඳහන් කර ඇත.
ඇමෙරිකානු ආරක්ෂක උපදේශක රොබට් ඕ බ්‍රයන් ඊයේ දින අන්තර්ජාලය හරහා ජනාධිපති ගෝඨාභය රාජපක්ෂ මහතා සමග සාකච්ජා කර ඇති බවත් එහිදී මෙම දැනුම් දීම කර ඇති බවත් එම ට්විටර් ගිණුමේ දැක්වේ.
ශ්‍රී ලංකාව සහ අමෙරිකාව අතර පවතින දීර්ඝ කාලින මිතුදම සනිටුහන් කරමින් මෙම ආධාර ලබාදෙන බවද ඔ බ්‍රයන් මහතා මෙහිදී සඳහන් කර ඇත
