ඇඹුල්ගම හංවැල්ල ප්‍රදේශයේ පසුගිය මාසයේ පුද්ගලයකු ඝාතනය කොට දෙදෙනෙකුට වෙඩිතැබීමේ සිද්ධිය සම්බන්ධයෙන් තවත් සැකකරුවන් 2ක් ඊයේ අත්අඩංගුවට ගෙන තිබේ.
ඒ හෝමාගම හා කඩුවෙල ප්‍රදේශවල දී ය.
සැකකරුවන් කඩුවෙල හා දැඩිගමුව පදිංචි අවුරුදු 22 හා 26 වයසේ පසුවන්නන් ය.
මේ අතර රත්මලාන ප්‍රදේශයේ දී පසුගිය මස පිහියකින් ඇණ එක් අයකු ඝාතනය කොට තවත් අයකුට තුවාල සිදුකළ සිද්ධිය සම්බන්ධයෙන් සැකකරුවන් 6 දෙනෙකු ඊයේ අත්අඩංගුවට ගෙන තිබේ.
ඒ ගල්කිස්ස ප්‍රදේශයේ දී ය.
සැකකරුවන් අවුරුදු 17,18,19,22 හා 31 වයස්වල පසුවන්නෝ ය.
සැකකරුවන් අද ගල්කිස්ස මහේස්ත්‍රාත් අධිකරණයට ඉදිරිපත් කිරීමට නියමිතය.
