ඉරානයේ, ටෙහෙරාන් ජාත්‍යන්තර ගුවන්තොටුපොළෙන් ගමන් ආරම්භ කළ යුක්‍රේන ගුවන් සේවයට අයත් පුද්ගලයින් 180 දෙනෙකු රැගත් බෝයිං 737 වර්ගයේ යානයක් කඩා වැටී තිබේ.
කීව් ප්‍රදේශයේ දී මෙම යානය කඩා වැටී ඇති අතර විදෙස් වාර්තා පවසන්නේ ඊට හේතුව කාර්මික දෝෂයක් බවයි.
මෙම අනතුර සිදුවූයේ ඉරාකයේ අමෙරිකානු හමුදා කඳවුරුවලට රොකට් මිසයිල ප්‍රහාර ඉරානයෙන් එල්ල කොට, කුපිත වී සිටින අමෙරිකානු ජනපති ඩොනල්ඩ් ට්‍රම්ප් වහා ඉරානය දෙසට ප්‍රහාර එල්ල කිරීමේ සැලසුම් ක්‍රියාත්මක කරන පසුබිමකදීය.
ඉරානය එම ප්‍රහාරය එල්ල කළේ තම රාජ්‍යයේ දෙවැනි බලවත්ම පුද්ගලයා වූ හමුදා අණදෙන නිලධාරී ක්වසෙම් සොලෙයිමානි අමෙරිකාවේ ප්‍රහාරවලින් ජීවිතක්ෂයට පත්ව ඔහුගේ අවමංගල්‍යය සිදුකොට පසුදිනයේ ය.
අමෙරිකානු ජනපතිවරයා විසින් මෙලෙස ඉරාන- අමෙරිකා යුද්ධයකට අරඅදින්නේ තමාට එරෙහිව දේශපාලනික වශයෙන් එල්ල වූ දෝෂාභියෝග ක්‍රියාවලියේ අඩක් අවසන්ව සියලු චෝදනා සම්බන්ධයෙන් ඇඟිල්ල දිගුවී සිටින අවධියකයි.
