ලෝක විවාහක රූ රැජිණ කිරුළ කැරොලයින් ජූරි විසින් යළි භාර දීම නිසා එම තරගයේ දෙවැනියා වූ අයර්ලන්ත කාන්තාවක වන Kate Schinder වෙත පිරිනැමූ බව එම සංවිධානය නිවේදනය කරයි.
ශ්‍රී ලංකා විවාහක රූ රැජින තරගයේ සිදුවූ මතභේදාත්මක සිද්ධිය අධිකරණය දක්වා ගිය අතර මතු වූ තත්වය හේතුවෙන් කැරලයින් ජූරි තමා විසින්ම ලෝක විවාහක රූ රැජිණ කිරුළ යළි භාරදීමට කටයුතු කළාය .
නිවේදනය දැක්වෙන්නේ එම ඉල්ලා අස්වීම හේතුවෙන් එම කිරුළ තරඟයේ දෙවැනියාට ලබාදීමට පියවර ගෙන ඇති බවයි.
රෝසි සේනානායක මහත්මිය විසින් මුල්ම ලෝක විවාහක රූ රැජින ලෙස ශ්‍රී ලංකාවට ගෙන ආ කිරුළ වසර තිස් පහකට පසුව ගෙන එන ලද්දේ කැරලයින් ජූරි විසිනි.
සිය කිරුළ අතහරිමින් කැරලයින් ජූරි පවසන ලද්දේ ‘ලෝකයක් එරෙහි වෙද්දී පවා නිවැරදි වටිනාකම් වෙනුවෙන් තමන් තනිව හෝ නැගී සිටින’ බවයි.
