කොළඹ කොටුව දුම්රිය ස්ථානයේ අද පස්වරුවේ කලබලකාරි තත්වයක් හටගත්තා. ඒ, පස්වරුවේ ධාවනයට නියමිතව තිබූ දුම්රිය රැසක් ප්‍රමාදවීම හේතුවෙන්. කොටුව දුම්රිය ස්ථානයට පැමිණ සිටි මගීන් විශාල පිරිසක් මේ හේතුවෙන් අපහසුතාවට පත්ව තිබෙනවා. මේ වන විට දුම්රිය ස්ථානයට යුධ හමුදා කැරළි මර්දන ඒකකයේ විශේෂ කණ්ඩායම් කීපයක්ම කැදවා ඇති බවත් අප වාර්තාකරු වැඩිදුරටත් සදහන් කරා.
මගීන් පිරිසක් දුම්රිය සේවකයන් වෙත විරෝධය පළ කිරීමත් සමග එහි කලබලකාරි තත්වය ඇතිව තිබෙනවා. මේ හේතුවෙන් කොටුව දුම්රිය ස්ථානයේ ආරක්‍ෂාව සදහා පොලිසියට අමතරව යුධ හමුදා කැරළි මර්දන ඒකකය කැදවා තිබෙනවා.
මේ අතර කොළඹ කොටුව සහ මරදාන දුම්රිය ස්ථාන වලින් ගමන් ආරම්භ කරනු ලබන දුම්රිය රැසක් අද සවස් කාලය වන තෙක් නියමිත පරිදි ධාවනය නොවුණු බව එහි දුම්රිය දෙපාර්තමේන්තුවේ ප්‍රකාශකයෙකු සඳහන් කර සිටියේ.
