මේ වන විට ලොව පුරා මිලියන 16කට වැඩි පිරිසකට ආසාදනය වී ඇති නව කොරෝනා වෛරසය ලෝක සෞඛ්‍ය සංවිධානය මුහුණ දී ඇති දරුණුතම ගෝලීය සෞඛ්‍ය හදිසි තත්වය බව එහි අධ්‍යක්ෂ ජනරාල් ටෙඩ්‍රොස් අද්නාම් ගෙබ්‍රෙයිසස් පවසයි.
මුඛ ආවරණ පැලඳීම සිට එක්රැස්වීම මඟහැරීම දක්වා වූ සෞඛ්‍ය ක්‍රියාමාර්ග දැඩි ලෙස පිළිපැදීමෙන් පමණක් ලෝකයට එය පරාජය කළ හැකි බව ටෙඩ්‍රොස් ජිනීවාහි පැවති ප්‍රවෘත්ති සාකච්ඡාවකදී පැවසීය.
“මේ පියවරයන් අනුගමනය කරන විට, ආසාදිතයන් පහත වැටෙනවා. ඒවා නොමැති අවස්ථාවල ආසාදිතයන් ඉහළ යනවා.” කැනඩාව, චීනය, ජර්මනිය සහ දකුණු කොරියාව ආදී රටවල් වෛරසය පැතිරීම පාලනය කිරීම පිළිබඳව ප්‍රශංසා කරමින් අධ්‍යක්ෂ ජනරාල්වරයා වැඩිදුරටත් පැවසීය.
