කොරෝනා වෛරස රෝගය වැළදී සුවවූවන්ගේ ශරීර තුල එම වෛරසයට එරෙහි ප්‍රතිශක්තිය දශක කිහිපයක් වුවද පැවතිය හැකි බව ඇමරිකානු විශේෂඥයින් පිරිසක් කල පර්යේෂණයකින් අනාවරණය වී ඇත .
කොරෝනා වෛරසය ආසාධනය වී මාස අටකට පමණ පසුවත්, බොහෝ පුද්ගලයින් තුල , එම වෛරසයට එරෙහි ප්‍රතිශක්තිය ඉතා ප්‍රබල මට්ටමක පවතින බව , මෙම පර්යේෂණය මෙහෙයවූ ඇමෙරිකාවේ ප්‍රතිශක්තීකරණය පිලිබඳ විද්‍යා ආයතනයක් වන “ලා ජෝලා” ආයතනයේ විද්‍යාඥ ෂේන් ක්‍රොට්ටි මහතා නිව් යෝර්ක් ටයිම්ස් පුවත්පතට සඳහන් කර ඇත .
” මෙම වෛරසය ආසාධනය වී සුවවුණු පුද්ගලයින් පිලිබඳ දත්ත රාශියක් අධ්‍යයනය කිරීමෙන් අපට පෙනීගියේ , එම අසාධිතයින් බොහෝ දෙනෙකු තුල ඇති ප්‍රබල ප්‍රතිශක්තීකරණයක් ගොඩනැගී ඇති බවයි . ඒ අනුව යලි ඔවුන්ට කොරෝනා වෛරසය වසර ගණනාවක් යනතුරු ආසාධනය නොවනු ඇති බව අනුමාන කල හැකියි” යයිද ෂේන් කොට්‍ර් මහතා මෙහිදී සඳහන් කර ඇත .
කොරෝනාවට එරෙහි එන්නත සම්භන්ධවද තිබු ගැටළු කිහිපයක්ම මෙම පර්යේෂණය හරහා විසදී ඇති බවත් ක්‍රොට්ටි මහතා සඳහන් කර ඇත .
” කොරෝනා එන්නත මගින් ඇතිකරන ප්‍රතිශක්තිය වසරකට පමණ සීමාවනු ඇති බවටත් ඒ අනුව එය වසරක් පාසා ලබාදීමට සිදුවනු ඇති බවටත් තිබු මතය අපගේ පර්යේෂණය හරහා බිඳ වැටෙනවා . එය අප කාටත් සුභ ආරංචියක් ” යයිද ක්‍රොට්ටි මහතා නිව්යෝර්ක් ටයිම්ස් පුවත්පතට සඳහන් කර ඇත .
වතමන් නව කොරෝනා වෛරසයට සමාන , සාර්ස් වෛරසය ආසාධනය වී සුවවූවන් තුල වසර විස්සකට පමණ පසුවත් ඊට එරෙහි ප්‍රතිශක්තිය පවතින බව මෙම පර්යේෂණවලදී අනාවරණය වී ඇත .
වොශින්ග්ටන් විශ්වවිද්‍යාලය හා ඇරිසෝනා විශ්වවිද්‍යාලය සිදුකල පර්යේෂණ කිහිපයකින්ද , ලා ජෝලා විද්‍යා ආයතනයේ පර්යේෂණයට සමාන ප්‍රතිඵල හා නිරීක්ෂණ ලැබී ඇති බවද නිඑ යෝර්ක් ටයිම්ස් පුවත් පත සඳහන් කර ඇත
