මැතිවරණයේ ආරක්ෂාව වෙනුවෙන් අද (03) සිට රටපුරා විශේෂ ජංගම ආරක්ෂක මුර සේවයක් ක්‍රියාත්මක කෙරේ.
පොලිස් මාධ්‍ය ප්‍රකාශක ජ්‍යෙෂ්ට පොලිස් අධිකාරී නීතීඥ ජාලිය සේනාරත්න මහතා සදහන් කළේ මැතිවරණ නීතිය උල්ලංඝනය කරන්නන්ට මැතිවරණය අවසන් වන තුරු කිසිදු සමාවක් නොලැබෙන බවයි.
ඒ අයට එරෙහිව නීතිය ක්‍රියාත්මක කරන බවත් ඔහු පැවැසීය.
ඊයේ (02) මධ්‍යම රාත්‍රියෙන් මැතිවරණ ප්‍රචාරක කටයුතු අවසන් විය.
මැතිවරණයට අදාල පැමිණිලි 357 ක් පොලීසියට ලැබී තිබුණු බවද ජාලිය සේනාරත්න මහතා සදහන් කළේය.
ඒ අතර මැතිවරණයට අදාල ප්‍රචණ්ඩ ක්‍රියා සම්බන්ධයෙන් පැමිණිලි 93 ක් ඇති බවත් එම පැමිණිලිවලට අදාලව අත්අඩංගුවට ගැනීම් 440 ක් සිදුව ඇති බවත් ඒ අය අතර අපේක්ෂකයන් 07 දෙනෙක් සිටින බවත් ඔහු පැවැසීය.
රථවාහන 124 ක් මේ කාලය තුළ අත්අඩංගුවට ගෙන ඇත.
එම වාහන වලින් 03 ක් රජයේ වාහන බවත් පොලිස් මාධ්‍ය ප්‍රකාශක ජාලිය සේනාරත්න මහතා වැඩිදුරටත් කීය.
