ලබන ජූලි මාසය වනවිට මෙරට පුද්ගලයින් මිලියන 3 කට පමණ කොවිඩ් එන්නත් ලබාදීමටඅපේක්‍ෂා කරන බව රාජ්‍ය ඖෂධ නීතිගත සංස්ථාවේ සභාපති විශේෂඥ වෛද්‍ය ප්‍රසන්න ගුණසේන මහතා අප වෙබ් අඩවියට පැවසීය .
ස්පුට්නික් , සයිනොෆාම් එන්නත් ඉදිරි මාස දෙක ඇතුලතද මෙරටට තවදුරටත්ලැබෙන බවත් ඒ අනුව බාධාවකින් තොරව අඛණ්ඩව එන්නත්කරන වැඩපිළිවෙල දියත් කල හැකි බවත් ඒ මහතා මෙහිදී පැවසීය
එළඹෙන ජුලි මාසය වනවිට ෆයිසර් එන්නත් මාත්‍රා ලක්‍ෂ 9 ක් ද මෙරටට ලැබෙන බව ඒ මහතා අනාවරණය කළේය
ඒ අනුව ඉදිරි සති කිහිපය සෞඛ්‍ය ආරක්‍ෂිතව ගත කිරීමට ජනතාව ක්‍රියාකළහොත් යහපත් ප්‍රතිඵල අත්කර ගත හැකි බවද විශේෂඥ වෛද්‍ය ප්‍රසන්න ගුණසේන මහතා මෙහිදී වැඩිදුරටත් සදහන් කළේය .
