රැකියා සඳහා කොරියාවට ගිය ශ්‍රී ලාංකිකයන් 4000 කට ආසන්න පිරිසක් මේ වනවිට නීති විරෝධී ලෙස රැදී සිටින බව එරට තානාපති කාර්යාලය අනාවරණය කර සිටී.
මෙසේ නීතිවිරෝධී ලෙස රැදී සිටින්නන් සංඛ්‍යාව වැඩිවීමෙන් ඉදිරියේ ශ්‍රී ලංකාවට ලැබිය හැකි රැකියා කෝටාව අවම වීමට ඉඩකඩ ඇතැයිද තානාපති කාර්යාලය අනතුරු අඟවා සිටී.
රැකියා බලා එරටට ගිය ශ්‍රී ලාංකිකයින් 3821 දෙනෙකු තම සේවා කාලය ඉක්මවා එරට රැදී සිටින බව වාර්තාවේ.
ශ්‍රී ලාංකිකයන් 22,006 දෙනෙකු දැනට කොරියාවේ සේවය කරන අතර ඉන් සියයට විස්සක පමණ පිරිසක් මෙසේ නීතිවිරෝධී ව රැදී සිටීම විශාල ගැටලුවක්ව ඇති බවද තානාපති කාර්යාලය පවසයි.
