පාස්කු ප්‍රහාරය පිළිබඳ සොයාබැලීමට පත්කරන ලද ජනාධිපති කොමිසමේ විමර්ශන ඒකකයේ නිලධාරීන් අද (26) හිටපු ජනාධිපති මෛත්‍රීපාල සිරිසේන මහතාගෙන් පැය 9කට ආසන්න කාලයක් ප්‍රකාශ සටහන් කරගෙන තිබේ.
ඒ හිටපු ජනාධිපතිවරයාගේ කොළඹ 7, පැජට් පාරේ පිහිටි නිවසේදීය.
විමර්ශන අධ්‍යක්ෂවරයා ඇතුළු කණ්ඩායමක් විසින් එහිදී ප්‍රකාශ සටහන් කරගැනීමට මෛත්‍රීපාල සිරිසේන මහතාගේ නිවසට ගොස් ඇත.
එහිදී හිටපු ජනාධිපතිවරයාගේ දීර්ඝ ලෙස අවධානයට යොමු කරමින් ප්‍රශ්න කර ඇත්තේ ආරක්ෂක කවුන්සිලය විසින් ජාතික ආරක්ෂාව සම්බන්ධයෙන් ක්‍රියාත්මක වන ආකාරය හා පාස්කු ප්‍රහාරය සම්බන්ධයෙන් පූර්ව අනතුරු ඇඟවීමේ තොරතුර සම්බන්ධයෙනි.
මෛත්‍රීපාල සිරිසේන මහතා එහිදී ඉතා වැදගත් කරුණු රාශියක් සිය ප්‍රකාශය මගින් හෙළිකර තිබෙන බව ආරංචි මාර්ග අනාවරණය කළේය.
