ශ්‍රී ලංකාව තුල පැවති යුධ ගැටුම් අවසන්වී වසර දහයක් ගතව ඇති නමුත් , එම යුද්ධයේ වින්දිතයින්ට යුක්තිය පසිඳලීමට මෙන්ම ඊට අදාලව වගවීමේ හා ප්‍රතිසන්ධාන ක්‍රියාවලි නිසි ලෙස ක්‍රියාත්මක කිරීමට ශ්‍රී ලංකා රජය තවමත් අපොහොසත්ව ඇති බව ජාත්‍යන්තර මානව හිමිකම් සංවිධාන චෝදනා කර සිටී.
ගැටුම් වලින් හිංසාවට පත් ජනතාව වෙනුවෙන් යුක්තිය ඉටුකරලීමේ ක්‍රියාවලිය නිසිලෙස ක්‍රියාත්මක කරලීමට ශ්‍රී ලංකා රජය මෙතෙක් විධිමත් පියවර ගෙන නොමැති බව හියුමන් රයිට්ස් වොච් ජාත්‍යන්තර මානව හිමිකම් සංවිධානය අද (19) දින විශේෂ නිවේදනයක් නිකුත් කරමින් අවධාරණය කර ඇත.
එසේම එම යුධ ගැටුම් වලදී සිදුවූ මානව හිමිකම් උල්ලංඝනයන් සම්භන්ධව හා අපරාධ සම්භන්ධව නිශ්ච්ත නීතිමය ක්‍රියාමාර්ගයන් හා වගවීමේ ක්‍රියාවලියන් ශ්‍රී ලංකා රජය ක්‍රියාත්මක කර නොමැති බව ඇම්නෙස්ටි ඉන්ටර්නැෂනල් හෙවත් ජාත්‍යන්තර ක්‍ෂමා සංවිධානයද අද (19) දින විශේෂ නිවේදනයක් නිකුත් කරමින් සන්ධාන කර ඇත.
සංක්‍රාන්තික යුක්තිය රට තුල ස්ථාපිත කල යුතු බවත් , එවැනි විධිමත් වගවීමේ ක්‍රියාවලියකින් තොරව ප්‍රතිසන්ධාන ක්‍රියාවලිය ශක්තිමත් කිරීමට මේන්ම සන්හින්දියාවද ඇති කල නොහැකි බවත් එම සංවිධානය සඳහන් කර ඇත
