වවුනියාව – මාධව කුලසූරිය
අපවත්වි වදාළ මුලතිව් නයාරු ගුරුකන්ද රජමහා විහාරස්ථානයේ හිටපු විහාරාධිපති පුජ්‍ය කොළඹ මේධාලංකාරකිත්ති නාහිමියන්ගේ තෙමස් පූර්ණ දානමය පුණ්‍ය කර්මය ඊයේ (21) මුලතිව් නයාරු ගුරුකන්ද රජමහා විහාරස්ථානයේදී පැවැත්විණ.
කොළඹ 07,ජාත්‍යන්තර විපස්සනා භාවනා මධ්‍යස්ථානාධිපති පූජ්‍ය විද්‍යාවේදී උඩුදුම්බර කාශ්‍යප නාහිමියන්ගේ මූලිකත්වය යටතේ දානමය පුණ්‍ය කර්මය සංවිධානය කොට තිබිණ.
මුලතිව් නයාරු ගුරුකන්ද රජමහා විහාරස්ථානයේ වර්තමාන විහාරාධිපති පූජ්‍ය මිහිදුපුර රතන‍දේවකිත්ති නාහිමියන් ප්‍රමුඛ භිකෂූන් වහන්සේලා 100 ක් නමක් උදෙසා දානය පිළිගැන්වීම එහිදි සිදුකෙරිණ.
කොළඹ 07,ජාත්‍යන්තර විපස්සනා භාවනා මධ්‍යස්ථානයේ දායක පිරිස හා වැලිඔය ප්‍රදේශවාසීන්‍ හා මුලතිව් යුධ හමුදා නිළධාරීන්ගේ සහභාගීත්වයෙන් දානයම පුණ්‍ය කර්මය පැවැත්විණ.
දානමය පුණ්‍යකර්මය අවස්ථාවට සමගාමීව ප්‍රදේශයේ අඩු අදායම්ලාභී පවල්වෙත ආධාර ලබාදීමද සිදුකෙරිණ.
