රටේ ජනතාවට නිදහසේ නිදාගන්න එදා ගස් ගල් යට නිදා ගනිපු අපේ හමුදාව කිසි කලෙක ප්ලාස්ටික් බෝතල් කපා කිරි කෝපි දාලා දෙන්නෙ නැතැයි යුද හමුදාපති ලුතිතන් ජෙනරාල් ශවේන්ද්‍ර සිල්වා ‘ද කළම්බො එක්ස්ප්‍රස්’ කළ විමසීමේදී පැවැසීය.
කුරිරු ත්‍රස්තවාදීන්ට එරෙහි සටනේදී අවතැන්වන ජනතාවට පවා හැකි උපරිමයෙන් සැලකු ශ්‍රි ලංකා යුද හමුදාවට ඉතා සීමිත පිරිසක් සමාජ මාධ්‍ය ඔස්සේ මඩ ප්‍රචාරයන්හි නිරතවීම පිළිබදව කණගාටුවට පත්වන බව හෙතම සදහන් කළේය.
කොරොනා වෛරසයෙන් රට ආරක්ෂා කිරීමට යුද හමුදාවෙන් ලබා දිය හැකි සියලු දායකත්වයන් මේ වනවිට ලබා දෙමින් සිටින බව යුද හමුදාපතිවරයා පැවැසීය.
ගුවන් තොටුපළට පැමිණෙන සීමිත කණ්ඩායමකට පමණක් නිරෝධායනය සීමා වී ඇතැයි ගෙනයන ප්‍රචාරයද අසත්‍ය බව කී යුද හමුදාපතිවරයා, නිරෝධායනය කළ යුතු යැයි දන්වා තිබෙන රටවල සිට පැමිණෙන සියලු දෙනා නිරෝධායනයට යොමු කිරීමට පියවර ගෙන තිබෙන බව විශ්වාසයෙන් පැවැසිය හැකි බව කීවේය.
