ජනප්‍රිය රංගන ශිල්පියෙකු සහ නිවේදකයෙකු වන කාවිංග පෙරේරා සිදුකළ රිය අනතුරින් පුද්ගලයකු මියයාම හේතුවෙන් තලංගම පොලීසිය විසින් ඔහු අත්අඩංගුවට ගෙන ඇත.
ඊයේ රාත්‍රියේ කළල්ගොඩදී මෙම අනතුර සිදුවී ඇත.
අනතුර හේතුවෙන් 42 හැවිරිදි මීගහතැන්න පදිංචි පුද්ගලයෙකු මිය ගොස් ඇත.
මාර්ගයේ පිරිසක් සුදු ඉරි අඳිමින් සිටියදී මෙලෙස අනතුර සිදුවී තිබේ.
මියගිය පුද්ගලයා රියේ ගැටුනු විට බීමතින් සිටි රංගන ශිල්පියා නොනවත්වා රථය ධාවනය කර පලාගොස් ඇත.
අත්අඩංගුවට ගත් සැකකාර කාවිංග පෙරේරා අද දින කඩුවෙල මහේස්ත්‍රාත් අධිකරණයට ඉදිරිපත් කිරීමෙන් පසු ලබන 3 වැනිදා තෙක් රක්ෂිත බන්ධනාගාරගත කර තිබේ.
