වෙළඳපොළේ රුපියල් 700 ක වටිනාකමකින් යුත් එළවළු මල්ලක් රුපියල් 350 ක සහන මිලකට ලබාදීමේ විශේෂ වැඩසටහනක් කෘෂිකර්ම අමාත්‍යාංශය විසින් ආරම්භ කර තිබේ.
කෘෂිකර්ම අමාත්‍යවරයාගේ උපදෙස් පරිදි ක්‍රියාත්මක වන සෞභාග්‍යයේ දැක්ම වැඩසටහන යටතේදී මෙය ක්‍රියාත්මක කෙරේ .
මෙම එළවළු මල්ල කැරට්, ලංකා අර්තාපල්, බීට්, තක්කාලි, ලීක්ස් සහ නෝකෝල් යන එළවළු වර්ග 06කින් සමන්විත වන බවද අමාත්‍යංශය සඳහන් කර ඇත
කොළඹ දිස්ත්‍රික්කයේ කොටුව දුම්රිය ස්ථානය, මරදාන දුම්රිය ස්ථානය, ඉසුරුපාය, සුහුරුපාය, සෙත්සිරිපාය සහ නුගේගොඩ යන ස්ථාන 6 කදී මෙම සහනදායී එළවළු මල්ල මිලදී ගැනීමට හැකිබව කෘෂිකර්ම අමාත්‍යාංශය නිකුත් කළ නිවේදනයක දැක්වේ.
