COVID-19 හෙවත් නව කොරෝනා වෛරසයට එරෙහිව සටන් කිරීම සඳහා ලෝක ජනගහනයෙන් අඩක් පමණ එනම් බිලියන 3.9 කට වැඩි ජනතාවකට ඔවුන්ගේ නිවෙස්වල රැඳී සිටින ලෙස දැනුම් දී ඇති බව අනාවරණය වෙයි.
AFP ආයතනය කරන ලද ගණනය කිරීමකට අනුව මේ බව සොයාගෙන ඇත.
මෙහිදී ලොක්ඩවුන් ලෙස අර්ථකථනය කර ඇත්තේ නිවෙස් තුළ අනිවාර්ය හෝ නිර්දේශිත රඳවා තැබීම්, ඇඳිරි නීතිය සහ නිරෝධායන ඇතුළත් පියවර ගණනාවක් කවර අයුරින් හෝ ක්‍රියාත්මක කිරීමයි.
රටවල් 90 කට වැඩි ගණනක මෙම පියවර මේ වනවිට ක්‍රියාත්මක වේ.
සිකුරාදා සිට බලපැවැත්වෙන පරිදි ක්‍රියාත්මක තායිලන්තයේ ඇඳිරි නීතියත් සමග මෙලෙස ලොක්ඩවුන් ප්‍රමාණය බිලියන 7.8ක් වන ගෝලීය ජනගහනයෙන් අඩක් පසුකළේය.
යුරෝපයේ බ්‍රිතාන්‍යය, ප්‍රංශය, ඉතාලිය සහ ස්පාඤ්ඤය වැනි රටවල් රඳවා තැබීමේ යම් යම් සීමා යටතේ ක්‍රියාත්මක වේ. ආසියාවේ, ඉන්දියාව, නේපාලය සහ ශ්‍රී ලංකාව වැනි රටවලට ද ඇඳිරිනීතිය ආදිය ක්‍රියාත්මක ය.
එක්සත් ජනපදයේ විශාල කොටස් යම් ආකාරයක අගුලු දමා ඇති අතර සාපේක්ෂව හුදෙකලා වූ නවසීලන්තය පවා බේරී ඇතැයි කිව නොහැකිය.
