ශ්‍රී ලංකා පොදුජන පෙරමුණේ ජනාධිපති ධූර අපේක්ෂක ගෝඨාභය රාජපක්ෂ මහතා සහ ශ්‍රී ලංකා නිදහස් පක්ෂයේ ජ්‍යෙෂ්ඨයින් අතර විශේෂ හමුවක් අද (03)රාත්‍රියේදී පැවැත්වීමට නියමිතය .
එම සාකච්ඡා සඳහා ශ්‍රී ලංකා නිදහස් පක්ෂයේ පාර්ශවයෙන් එහි මහ ලේකම් දයාසිරි ජයසේකර, භාණ්ඩාගාරික ලසන්ත අලගියවන්න සහ එක්සත් ජනතා නිදහස් සන්ධාන මහ ලේකම් මහින්ද අමරවීර යන මහත්වරුන් සහභාගී වන බව ශ්‍රී ලංකා නිදහස් පක්ෂයේ මාධ්‍ය ප්‍රකාශක පාර්ලිමේන්තු මන්ත්‍රී වීරකුමාර දිසානායක මහතා මාධ්‍ය වෙත සඳහන් කළේය
ජනාධිපතිවරණයේදී ගෝඨාභය රාජපක්ෂ මහතාට සහය පළ කිරීම සම්බන්ධයෙන් දැනට මතු වී ඇති යම් යම් ගැටලු පිළිබඳව එකඟතාවක් ලබා ගැනීමේ අපේක්ෂාවෙන් එම සාකච්ඡා පැවැත්වෙන බව වීරකුමාර දිසානායක මහතා කියාසිටියි.
