නවතම පුවත්

සණස ලයිෆ් ඉන්ෂුවරන්ස් නව සභාපතිවරයා ලෙස ආචාර්ය ජයන්ත වික්‍රමරත්න මහතා පත්වෙයි.

පැතුම් වික්‍රමරත්න

පැතුම් වික්‍රමරත්න

දිවයිනේ සීඝ්‍රයෙන්ම වර්ධනය වන ජීවිත රක්ෂණ සමාගම වශයෙන් අන්තර්ජාතික සම්මානයට පාත්‍ර සණස ලයිෆ් ඉන්ෂුවරන්ස් සමාගමේ නව සභාපතිවරයා ලෙස විශ්‍රාමික පොලිස්පති ආචාර්ය ජයන්ත වික්‍රමරත්න මහතා පත්ව තිබේ.
කොළඹ තර්ස්ටන් විද්‍යාලයේ කීර්තිමත් ආදි ශිෂ්‍යයෙකු වන මේ මහතා ශ්‍රී ජයවර්ධනපුර විශ්ව විද්‍යාලයෙන් රාජ්‍ය පරිපාලනය පිළිබඳ ගෞරව උපාධියක් ලබා තිබේ. 1968 වර්ෂයේදී තරඟ විභාගයකින් ශ්‍රී ලංකා පොලිස් සේවයට සහකාර පොලිස් අධිකාරීවරයෙකු ලෙස එක්වූ වික්‍රමරත්න මහතා තිස්වසරක් පුරාවට ශ්‍රී ලංකාව ගිලගෙන තිබූ සිවිල් යුද්ධයේ අවසන් තීරණාත්මක කාලසීමාවේ එනම් 2008 දී ශ්‍රී ලංකා ප්‍රජාතාන්ත්‍රික සමාජවාදී ජනරජයේ පොලිස්පතිවරයා ලෙස පත්විණි. එම කාලසීමාවේ මාතෘභූමියේ ආරක්ෂාව වෙනුවෙන් එතුමන් තුල වූ කැපවීමට කෘතවේදීත්වය පිරිනමමින් 2009 දී කැලණිය විශ්වවිද්‍යාලය මගින් එතුමන් වෙත ගෞරව ආචාර්ය පදවියක් ද පිරිණමන ලදි.
පොලිස් සේවයෙන් විශ්‍රාම ගැනීමෙන් අනතරුව ඔහු ආරක්ෂක අමාත්‍යාංශයේ අතිරේක ලේකම්වරයෙක් ලෙස සහ අල්ලස් හා දූෂණ විමර්ශන ස්වාධීන කොමිෂන් සභාවේ කොමසාරිස්වරයෙකු ලෙසද, කාන්තා හා ළමා කටයුතු අධිකාරියේ සහ ජාතික අන්තරායකර ඖෂධ පාලක මණ්ඩලයේ අධ්‍යක්ෂවරයෙකු ලෙසද කටයුතු කර ඇත.
2017 වර්ෂයේදී සණස ලයිෆ් ඉන්ෂුවරන්ස් සමාගමට අධ්‍යක්ෂක වරයෙකු ලෙස එක්වන මේ මහතා එහි හිටපු සභාපති ටී.කරුණාසේන මහතා 2022.06.01 වන දින විශ්‍රාම ගැනීමත් සමඟ සමාගමෙහි සභාපතිවරයා ලෙස පත්විය. කොළඹ, කොල්ලුපිටියේ පිහිටි සණස ලයිෆ් ඉන්ෂුවරන්ස් ප්‍රධාන කාර්යාලයේදි පැවැති චාම් උත්සවයකදී ගෞරවණීය මහා සංඝරත්නයේ ආශිර්වාද මැද පසුගිය දිනෙක වික්‍රමරත්න මහතා සිය රාජකාරි කටයුතු ආරම්භ කරන ලදි.
සණස ව්‍යාපාරයේ නිර්මාතෘ ආචාර්ය පී.ඒ කිරිවන්දෙණිය මැතිතුමන්ගේ ප්‍රධානත්වයෙන් පැවති මෙම උත්සවයට සණස ලයිෆ් ඉන්ෂුවරන්ස් අධ්‍යක්ෂක මණ්ඩලයේ සාමාජික, සාමාජිකාවන් සහ කාර්යය මණ්ඩලයද එක්ව සිටියහ.

image-35
ජාතික මුරුංගා දිනය, අප්‍රේල් 18 වැනිදා !
3-ind
ලංකාවේ පොදු ප්‍රවාහනය , ආබාධ සහිත පුද්ගලයින්ට අකැපද ?
1551784764_6990563_hirunews_gov
රජයේ සේවකයින්ට සුබ අලුත් අවුරුද්දක් !
image-33
ජපන් තැපෑලෙන් , මෙරට දරු දැරියන්ට ශිෂ්‍යත්ව !
image-32
McDonald's අවන්හල් ජාලය ශ්‍රී ලංකාවෙන් ඉවත්වන්නේ ඇයි ?
Dr
නවෝත්පාදන හරහා ජනතාව නව ලොවටගැළපෙන නව චින්තනයකින් සපිරි පුද්ගලයන්බවට පත් කිරීම IIHS දැක්මයි.
milk-powder-500x500
කිරිපිටි මිල පහළට
image-30
එමානුවෙල්ගේ මුෂ්ටි ප්‍රහාරය !
image-29
ෆින්ලන්තය සතුටෙන් , ශ්‍රී ලංකාව නොසතුටෙන් !
Maithripala-Sirisena
පාස්කු ප්‍රහාරයට වගකිවයුත්තන් ගැන මම දන්නවා - මෛත්‍රී