කුඩා සාමණේර හිමියන් දෙනමකට පහර දීමේ සිද්ධිය හෙළාදකින බව යුනිසෙෆ් සංවිධානය පවසයි.
නිවේදනයක් නිකුත් කරමින් යුනිසෙෆ් සංවිධාන මේ බව කියාසිටියි.
හොරොව්පතාන ප්‍රදේශයේ සාමනේර භික්ෂූන් වහන්සේලා දෙදෙනෙකු, වැරැද්දක් කළ බව කියමින් පුද්ගලයකු කළ අමානුෂික පහරදීම පිළිබඳව එක්සත් ජාතීන්ගේ ළමා අරමුදල මෙම නිවේදනය කර ඇත.
එම සංවිධානය පවසන්නේ සමස්තයක් ලෙස සමාජය මෙම ප්‍රචණ්ඩ ක්‍රියාව හෙළා දැකීම අගය කරෙන බව ය.
යුනිසෙෆ් සංවිධානය විසින් නිකුත් කළ නිවේදනයේ වැඩිදුරටත් මෙල්ව්ස පවසා තිබේ
“කනගාටුවට කරුණ නම් මෙය හුදෙකලා සිදුවීමක් නොවීමයි. දරිද්‍රතාවයෙන් පෙළෙන හො ආයතනික රැකවරණය යටතේ සිටින හො ආබාධිත දරුවන් ඇතුළු ශ්‍රී ලංකාව පුරා දරු දැරියන් බොහො ප්‍රමණයක් දිනපතාම මෙවැනි තත්වයන්ට මුහුණ දෙති.
ජාතික ළමා ආරක්ෂණ අධිකාරිය විසින් 2016 දී ශ්‍රී ලංකාවේ පාසල්වල ක්‍රියාත්මක කරන ලද ළමා විනය ක්‍රම පිළිබඳ අධ්‍යයනයකින් හෙළි වූයේ සිසුන්ගෙන් 80% කට වැඩි ප්‍රමාණයක් පසුගිය මාසයේ අවම වශයෙන් එක් ආකාරයක හො ශාරීරික දඩුවමක් අත්විඳ ඇති බවයි. මෙය දරුවන්ට අතිශයින්ම හානිකරවනවා පමණක් නොව, ඔවුන්ගේ වර්ධනය වන මොළයට ස්ථීර ලෙස බලපාන බවත්, ඔවුන්ගේ ආත්ම අභිමානය අඩු කරන බවත්, සෞඛ්‍ය සම්පන්නව ඉගෙනීමට හා වර්ධනය වීමට ඇති හැකියාවට බාධා කරන බවත් විද්‍යාත්මකව ඔප්පු වී ඇත.”
