BREAKING NEWSක්‍රීඩා


Share now!

19 න් පහල යොවුන් ලෝක කුසලාන තරඟාවලියේ අවසන් මහා තරඟය ඉන්දියාව පරාජය කර ජය ලබාගැනීමට බංග්ලාදේශ වයස අවුරුදු 19න් පහළ කණ්ඩායම සමත් විය.

ඒ අවසන් මහා තරඟයේ දී ඩක්වත් ලුවිස් න්‍යායට අනුව ඉන්දීය වයස අවුරුදු 19 පහළ කණ්ඩායම කඩුලු 03කින් පරාජය කරමින්. දකුණු අප්‍රිකාවේ පාවෙස් – ස්ට්‍රෝම් හි පැවති මෙම තරඟයේ කාසියේ වාසිය දිනාගත් බංග්ලාදේශ යොවුන් කණ්ඩායම ඉන්දියාවට පන්දුවට පහරදීමේ අවස්ථාව ලබා දුන්නේය. 

ඒ අනුව ඉන්දීය කණ්ඩායම පන්දු වාර 47යි පන්දු 02ක් අවසානයේ සියළු දෙනා දැවී රැස් කර ගත්තේ ලකුණු 177ක්.

පිළිතුරු ඉනිම ක්‍රීඩා කළ බංග්ලාදේශ කණ්ඩායම කඩුළු 07 ක් පමණක් බිඳවැටී තිබියදී සිය ජයග‍්‍රාහී ඉලක්කය පසු කර ගියා. 

බංග්ලාදේශය කුමන හෝ ආකාරයක ලෝක කුසලානයක් දිනූ පළමු අවස්ථාලව මෙය වනවා. ලෝක ශූරයින් වූ බංග්ලාදේශ කණ්ඩායමේ පුහුණුකරු ලෙස කටයුතු කළේ ශ‍්‍රී ලාංකික පුහුණුකරුවෙකු වන වීමද විශේෂත්වයක්. 

දකුණු අප්‍රි‍කාවේ පැවැති මෙවර වයස අවුරුදු 19 න් පහළ ලෝක කුසලාන තරගාවලියට එක්වූ ශ‍්‍රී ලංකා කණ්ඩායමට පළමු වටයෙන්ම ඉවත්වීමට සිදුවුණා.