මේ වන විට නව කොරෝනා වෛරසයට ගොදුරුව ලොව පුරා සිදුව ඇති මරණ සංඛ්‍යාව ලක්ෂ 4ක ඉක්මවා තිබේ.
කොරෝනා තොරතුරු වාර්තා කරන worldometers වෙබ් අඩවිය අද (7දා) උදෑසන 08.00 වන විට එම අගය දක්වා සිටියේ 402,094 ක් ලෙසිනි.
එසේම ගෝලීය වශයෙන් වාර්තා වන සමස්ත නව කොරෝනා ආසාදිතයන් සංඛ්‍යාව ලක්ෂ 68.5ක් ඉක්මවා ඇති අතර,
එම අගය අද අලුයම දැක්වුණේ 6,974,721 ක් ලෙසිනි.
කොවිඩ්-19 හෙවත් නව කොරෝනා වෛරසය ආසාදිතව ලොව පුරා සම්පූර්ණයෙන් සුවය ලැබූ පිරිස ලක්ෂ 30 ඉක්මවා ගොස් තිබේ.
එම අගය අද අලුයම දැක්වුණේ 3,411,281 ක් ලෙසිනි.
