BREAKING NEWS

Share now!

(කහවත්තේ තුෂාර හෙට්ටිආරච්චි )

කුරුවිට පොලිස් බලප්‍රදේශයේ වලඳුර ගැරඬිඇල්ලේ පෙරේදා සවස (05) දිය නෑමට ගිය තරුණයෙකු දිය පහරට හසුව අතුරුදහන් වී සිටි පුද්ලයාගේ සිරුර අද (06) සවස 16.00 ට සොයා ගත් බව කුරුවිට පොලීසිය පවසයි.

මෙසේ අනතුරට පත්ව ඇත්තේ කුරුවිට ගැමුණු හේවා ⁣රෙජිමේන්තුවේ සේවය කරන කැප්ටන් සුරන් රණසිංහ නැමති තිස් දෙහැවිරිදි අයෙකි. දෙදරු පියෙකු වන මොහු මිල්ලවිටිය පදිංචි කරුවෙකු බව පොලීසිය කියයි. කපිතාන්වරයාගේ සිරුර සොයා ගෙන ඇත්තේ කුරුගඟ පහළ කොටසේ තිබියදීය.

පසුගිය 05 දා සවස් වරුවේ වලඳුර ගැරඬිඇල්ලේ පිහිටි දියවලක හිතමිතුරන් සිව්දෙනෙකු දිය නෑමට ගොස් ඇත.

පළමුව ⁣මේ අයගෙන් දෙදෙනෙකු දිය නා ගොඩට පැමිණ ඇති අතර අනෙක් දෙදෙනා දිය නාමින් සිටිය දී එකවරම පැමිණි සැඩ දිය පහරකට හසුවී ගසා ගෙන ගොස් ඇත.

එක් අයෙකු ගසක අත්තක එල්ලි දිවි බේරාගෙන ඇති අතර අනෙක් තරුණයා අද සවස වන තෙක්ම සොයා ගැනීමට නොහැකිවූ බව පොලීසිය පවසයි.

කුරුවිට පොලිසිය සමග එක්ව කුරුවිට යුධ හමුදා කඳවුරේ සහ නාවික හමුදා නිලධාරීන් පිරිසක් හා ප්‍රදේශවාසීන් එක්ව අතුරුදන් පුද්ගලයාගේ සිරුර සොයා ගෙන ඇත.

කුරුවිට පොලිස් ස්ථානාධිපති ප්‍රධාන පොලිස් පරීක්ෂක සම්පත් අබේවික්‍රම මහතාගේ මෙහෙයවීම යටතේ වැඩි දුර පරීක්ෂණ ක්‍රියාත්මකය.