ශ්‍රී ලංකාව ඉලක්ක කර ප්‍රහාරයක් දියත් කිරීමට එල් ටී ටී ඊ සංවිධානයේ මෙරට හිටපු සාමාජිකයින් යළිත් එක්ව සැලසුම් සකස් කරන බවට ඉන්දියාවේ හින්දු පුවත්පත ඊයේ වාර්තා කර තිබිණ ,
කෙසේ වෙතත් මෙරට ආරක්‍ෂක අමාත්‍යාංශය මෙම වාර්තා ප්‍රතික්‍ෂේප කර ඇත .
එම වාර්තා පදනම් විරහිත බව ආරක්‍ෂක අමාත්‍යංශ ප්‍රකාශකයෙකු මාධ්‍ය වෙත සඳහන් කර සිටී . එවැනි සැලසුමක් හෝ අනතුරක් පිළිබඳව බුද්ධි අංශ වාර්තා ලැබී නැති බවද එම ප්‍රකාශකයා පවසයි .
සැකකටයුතු එල් ටී ටී ඊ සාමාජිකයින්ගේ ඒකරාශිවීමක්, සැලසුමක් සහ ඔවුන් දෙරටෙහි මුහුදු සීමාව හරහා මෙරටට ඇතුළුවීම හෝ මෙරට සිට ඉන්දියාවට ඇතුළුවීම සම්බන්ධයෙන් තමිල්නාඩු බලධාරීන් දැඩි අවදානයෙන් පසුවන බව ඉන්දීය මාධ්‍ය වාර්තා කර තිබින .
ශ්‍රී ලංකාව ගැඹුරු ආර්ථික හා දේශපාලන අර්බුදයක පැටලී ඇති මෙවන් අවස්ථාවක එවැනි ප්‍රහාරයක් එල්ල වීමේ අවදානමක් සම්බන්ධයෙන් ඉන්දීය බුද්ධි අංශවල අවදානය යොමුව ඇති බව ද හින්දු පුවත්පත වාර්තා කර තිබුණි ,
