ඊයේ 29 දින මාධ්‍ය සාකච්ඡාවකදී මැදගොඩ අභයතිස්ස හිමියන් ප්‍රකාශ කල අප්‍රේල් 21 පාස්කු ප්‍රහාරයේ වැදගත්ම සාක්ෂි ඇමරිකානු FBI නියෝජිතයන් රැගෙන ගිය බැවින් දේශිය විමර්ශකයන්ට එම තොරුතුරු ලබාගැනීමට අවස්ථාව අහිමිවී ඇති බවයි නමුත් එසේ කිසිසේත්ම සත්‍ය නොවන අතර FBI නියෝජිත ඇතුළු විදේශීය සංවිධාන මෙරටට පැමිණියේ අපරාධ පරික්ෂණ දෙපාර්තමේන්තුවට සහය වීමට බවත් ඒ සදහා අවශය තාක්ෂණික දැනුම ලබාදීමට බවත් නමුත් FBI නියෝජිතයන් යම් යම් සාම්පල ලබාගත්ත ඒවා ලබාගත්තේ නිසි ක්‍රමවේදයන් යටතේ බව පොලිස් මාධ්‍ය ප්‍රකාශක කාර්‍ය්යාලය නිකුත් කල නිවේදනයේ දැක්වෙයි.
වැඩිදුරටත් එම නිවේදනයේ මෙසේ දැක්වෙයි
අධිකරණයට හමුවේ FBI නියෝජිතයන්ද පෙනී සිටි අතර අධිකරණයෙන් ලබාගත් නියෝගය මත ලබාගෙන තිබෙන්නේ පිපිරීම් සිදුවූ ස්ථානවල පුපුරණ ද්‍රව්‍ය , මරාගෙන මැරෙන ත්‍රස්තවාදීන්ගේ හිස කොටස් වල රුධිර සාම්පල හා හිසකෙස් සාම්පල වේ.
අපරාධ ස්ථාන පරික්ෂණ (SOCO) නිළධාරීන් අදාල සියළුම සාම්පල ලබාගෙන ඇති නිසා පරික්ෂණ වලට කිසිම බාධාවක් නොමැති බව එම නිවේදනයෙන් අවධාරණය කර තිබේ.
