ලොව පැරණිතම සංචාරක සේවා සමාගමක් වන තෝමස් කුක් සමාගම මේ වන විට මුළුමනින්ම පාඩුලබන තත්වයට පත්ව ඇති අතර ඒ අනුව එම සමාගම විසින් ක්‍රියාත්මක කරන ලද ගුවන් ගමන් ඇතුළු සියලු සංචාරක සේවා ඊයේ (22) රාත්‍රියේ සිට නවතා දම ඇත.
මේ හේතුවෙන් තෝමස් කුක් සමාගමේ සේවා ලබා ගන්නා ලද ලක්ෂ 6ක පමණ සංචාරකයින් ප්‍රමාණයක් මේ වන විට දැඩි අසීරුතාවයකට පත්ව සිටින බව වාර්තාවේ,
මෙයින් 150,000 ක පමණ පිරිසක් බ්‍රිතාන්‍ය සංචාරකයින් වන අතර ගුවන් ගමන් අවලංගු කිරීම හේතුවෙන් ඔවුන් හට සිය නිවාඩු අවසාන කර නැවත බ්‍රිතාන්‍ය කරා පැමිණීමට නොහැකි තත්ත්වයක් උද්ගතවී ඇති බව වාර්තා වේ.
දැඩි මූල්‍ය අර්බුදයකට මුහුණ පා සිටි තෝමස් කුක් සමාගම පසුගිය සිකුරාදා (20) කියා සිටියේ, තමනට ගොඩඒමට නම් වහාම ඩොලර් මිලියන 250 ක ආයෝජනයක් අවශ්‍ය බවයි.
තෝමස් කුක් සමාගම කඩා වැටීම හේතුවෙන් ලොව පුරා රටවල් 16 ක 21,000 ක සේවකයින් ප්‍රමාණයකට මේ වන විට සිය රැකියා අහිමි වී තිබේ.
