හංගේරියාව තුළ දරු උපත් අනුපාතය පහළ යෑමට පිළියමක් ලෙස දරුවන් සිව්දෙනෙකුට වැඩි කාන්තාවන් ජීවිත කාලයටම ආදායම් බද්දෙන් නිදහස් කරන බව එරට අමැතිවරයා පවසයි.
අගමැති වික්ටර් ඔර්බන් පවසන්නේ සංක්‍රමණිකයන් මත යැපීමකින් තොරව අනාගත හංගේරියාව එරට ජනතාව වෙතම භාරදීම මෙම ව්‍යායාමයේ අරමුණ බවයි.
දක්ෂිණාංශික ජාතිකවාදී පක්ෂ එරට තුළට මුස්ලිම් සංක්‍රමණිකයන් භාරගැනීම තරයේ ප්‍රතික්ෂේප කරයි.
කෙසේ වෙතත්, හංගේරියාවේ ජනගහනය වසරකට 32,000කින් පමණ පහළ යන අතර, යුරෝපා සංගමයට අයත් රටවලට සාපේක්ෂව එරට කාන්තාවන් දරුවන් දැරීම අඩු මට්ටමක පවතී.
ඒ අනුව, මෙම නව නීතිය අනුව දරුවන් වැඩිපුර සෑදීමට කටයුතු කරන තරුණ යුවළ වෙනුවෙන් ඇ.ඩො.36,000ක් දක්වා පොලී රහිත ණය මුදල්ද ලබාදෙන බව කියයි.
