ලෝක පුජිත ක්‍රිකට් ක්‍රීඩක මුත්තයියා මුරලිදරන්ගෙ බාල සොහොයුරු මුත්තයියා ප්‍රභාකරන් මහතා මෙවර මහ මැතිවරණය සදහා ශ්‍රි ලංකා පොදුජන පෙරමුණ නියෝජනය කරමින් නුවරඑළිය දිස්ත්‍රික්කයට තරග කිරීමට නියමිතව ඇත. දක්ෂ තරුණ ව්‍යවසායකයකු වන මුත්තයියා ප්‍රභාකරන් මහතා ප්‍රකට ව්‍යාපාරිකයෙකි.
ජනාධිපති ගෝඨාභය රාජපක්ෂ මහතා රට හමුවේ තබා ඇති වැඩපිළිවෙල පිළිබදව පැහැදීමට ලක්වී තමන්ගේ පියාගේ උපන් ගම වන මස්කෙළිය ඇතුළු නුවරඑළිය ජනතාවට සේවය කිරීම සදහා තමන් දේශපාලනයට ප්‍රවිෂ්ට වන බව මුත්තයියා ප්‍රභාකරන් මහතා පසුගියදා මාධ්‍ය කළ විමසීමේදී ප්‍රකාශ කළේය. වතුකරයේ ජනතාවගේ දුක හදුනන නායකයන් යටතේ දේශපාලනය කිරීමට ලැබීම එම ප්‍රදේශවල ජනතාවගේ අපේක්ෂාවන් ඉහළ දැමීමට හැකි වටපිටාවක් නිර්මාණය කර ඇති බව හෙතම සදහන් කළේය.
