පැතුම් වික්‍රමරත්න
කොවිඩ් 19 හෙවත් නව කොරෝනා වෛරස ව්‍යාප්තිය පාලනය කිරීම සඳහා ජාතික මට්ටමේ වැඩසටහන් ආරම්භ කල ලොව මුල්ම රටවල් දෙක වන්නේ චීනය හා ශ්‍රී ලංකාව වන බව ජාත්‍යන්තර බී බී සී පුවත් ආයතනය හා ඔක්ස්ෆර්ඩ් සරසවිය එක්ව කල සමීක්ෂණයකින් අනාවරණය වී ඇත.
කෙසේ වෙතත් චීනයද මෙම වැඩසටහන් ආරම්භ කර ඇත්තේ තම පළමු කොරෝනා අසාධිතයා හමුවීමෙන් පසුව වන නමුත් ශ්‍රී ලංකාව ඊටත් පෙරම එම වැඩසටහන් ආරම්භ කර ඇති බවත් ඒ අනුව ශ්‍රී ලංකාව චීනයටද ඉදිරියෙන් ඇති බවත් අදාල සමීක්ෂණ වාර්තාවේ දැක්වේ.
මෙම සමීක්ෂණය ආසියානු රටවල් , යුරෝපානු රටවල් හා අප්‍රිකානු රටවල් සඳහා වෙන් වෙන් වශයෙන් සිදුකර ඇති නමුත් එම සමීක්ෂණ වාර්තා අනුව චීනය හැර ඒ කිසිදු කලාපයක වෙනත් කිසි දු රටක ශ්‍රී ලංකාවට පෙර මෙවැනි කොරෝනා පාලන වැඩසටහන් ආරම්භ කර නැත.
