ලොව විශාලතම සරණාගත කඳවුර ලෙස සැලකෙන බංගලාදේශයේ කොක්ස් බසාර්හි පිහිටි සරණාගත කඳවුරේ සරණාගතයින් දෙදෙනෙකුට කොරෝනා වෛරසය අසාධනය වී ඇති බව වාර්තාවේ.
රෝහින්ග්‍යා සරණාගතයින් මිලියනයක් පමණ වෙසෙන එම කඳවුරේ තහවුරු වූ පළමු රෝගීන් දෙදෙනා මොවුන් වන අතර මේ අනුව ලෝක සෞඛ්‍ය සංවිධානයේ අවධානයද මේ වෙත යොමුව ඇත
මේ වනවිට ආසාදිතයින් වෙන්කර ප්‍රථිකාර කරන බවත් පරීක්ෂණ සඳහා යොමු කළ යුතු සරණාගයින් 1 900ක් පමණ හුදකලා කර ඇති බවත් බංගලාදේශ වෛද්‍යවරු මාධ්‍ය වෙත පවසා ඇත.
අධික තදබදයෙන් යුතු මෙම කඳවුරේ වෛද්‍ය පහසුකම්, පිරිසුදු ජලය, ඇතුළු බොහෝ අවශ්‍යතා සීමිත බැවින් කොරෝනා පැතිරීමෙන් දැඩි බලපෑමක් ඇතිවිය හැකි බවට සති ගනනාවක් තිස්සේ අනතුරු අඟවා තිබිණි.
කඳවුරේ වර්ග කිලෝමීටරක සරණාගතයින් 40 000 – 70 000ත් අතර ප්‍රමාණයක් ජීවත් වන බවද වාර්තාවේ
මේ සම්බන්දව අදහස් දක්වමින් බංගලාදේශයේ සෞඛ්‍ය අධ්‍යක්ෂ වෛද්‍ය ෂාමි ජහාන් පවසන්නේ කොරෝනා රෝගයෙන් සරණාගත කඳවුරේ දහස් ගනනක් මිය යාමේ අවදානමක් පවතින බවය.
