මැතිවරණ නීති උල්ලංඝණය කිරීම් සම්බන්ධයෙන් අපේක්ෂකයින් දෙදෙනෙක් ඇතුළු 131 දෙනෙක් අද (10) වන විට අත්අඩංගුවට ගෙන තිබේ.
අපේක්ෂකයින් දෙදෙනා එක්සත් ජාතික පක්ෂයේ සහ ජාතික සමගි ජනබලවේගය අපේක්ෂකයන් දෙදෙනෙකි.
පොලිස් මැතිවරණ අංශ තොරතුරු සදහන් කළේ එක්සත් ජාතික පක්ෂ අපේක්ෂකයා අත්අඩංගුවට ගෙන ඇත්තේ කුළියාපිටිය බිංගිරියේදී බවයි.
ජාතික සමගි ජනබලවේගයේ අපේක්ෂකයා අත්අඩංගුවට ගෙන ඇත්තේ පුත්තලමේදී ය.
මැතිවරණ නීති උල්ලංඝනය කිරීම් සම්බන්දයෙන් අද (10) අළුයම 6.00 වන විට පොලීසියට ලැබී තිබුණු පැමිණිලි ගණන 121 කි.
ඒ අතර වැඩියෙන්ම ඇත්තේ මැතිවරණ නීති උල්ලංඝනය කිරීම් සම්බන්ධයෙන් වූ පැමිණිලි වේ.
මැතිවරණයට අදාල අපරාධමය පැමිණිලි ඇත්තේ 30 ක් පමණක් බව වාර්තා වී ඇත.
මැතිවරණ නීති උල්ලංඝනය කිරීම් සම්බන්ධයෙන් වාහන 39 ක් පොලිස් භාරයට ගෙන ඇත.
ඒ අතර නැගෙනහිර පළාත් සභාවට අයත් කැබ් රථයක්ද වන බවත් එම නිලධාරියා වැඩිදුරටත් සදහන් කළේය.
