ගම්පහ දිස්ත්‍රික් සණස සංගමයේ හිටපු නියෝජ්‍ය සාමාන්‍යාධිකාරීවරිය සහ අධ්‍යක්ෂ මණ්ඩලයේ හිටපු සාමාජිකයින් 05 දෙනෙක් අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන ඒකකයේ විශේෂ පොලිස් කණ්ඩායමක් විසින් අත්අඩංගුවට ගනු ලැබීය.
ඒ රුපියල් මිලියන 708 කට අධික මුල්‍ය වංචාවක් සම්බන්ධයෙන් සිදුකරන විමර්ශනයකට අදාලව ය.
ගම්පහ, වත්තල, බඩල්ගම, හා කොටදෙණියාව යන ප්‍රදේශවලදී එම සැකකරුවන් ඉකුත් 10 වෙනිදා රාත්‍රිෙය්දී අත්අඩංගුවට ගත් ගෙන ඇත.
පෙරේදා (11) ගම්පහ මහේස්ත්‍රාත් අධිකරණයට ඉදිරිපත් කළ ඔවුන් ලබන 14 වෙනිදා දක්වා රක්ෂිත බන්ධනාගාරගත කර තිබේ.
රක්ෂිත බන්ධනාගාරගත කළ අධ්‍යක්ෂකවරුන් 05 දෙනාගෙන් දෙදෙනෙක් අධ්‍යක්ෂවරියන් ය.
මෙම මූල්‍ය වංචාව සිදුව ඇත්තේ 2011 වසරේ සිට 2016 දක්වා වූ කාල සීමාව තුළදීය.
සනස සංගමයේ රුපියල් මිලියන 708 කට අධික මුදලක් පුද්ගලික සමාගමකට ලබාදෙමින් මෙම මූල්‍ය වංචාව සිදුකර ඇත.
මේ වන විට එම පුද්ගලික සමාගම බංකොලොත්ව තිබේ.
එම පුද්ගලික සමාගමට සමිතියේ මුදල් ලබාදීමට මෙම සැකකරුවන් අනුමැතිය ලබාදීමෙන් සාපරාධි සාවද්‍ය පරිහරණය, සාපරාධී විශ්වාසය කඩකිරීම හා ඊට අනුබල දීම යන චෝදනාවලට ඔවුන් ලක්ව ඇත.
මෙම සැකකරුවන් වයස අවුරුදු 55, 62, 65, 75 සහ 81 යන වයස්වල පසුවන්නන්ය.
