පැතුම් වික්රමරත්න
ලෝක වෙළෙඳපොළේ බොර තෙල් මිලෙහි වෙනස්වීම් සැලකිල්ලට ගෙන මෙරට වෙළෙඳපොළේ ඉන්ධන මිල තීරණය කිරීම සඳහා ඉන්ධන සමාලෝචන අද (10) පස්වරුවේ මුදල් අමාත්යංශයේදී රැස්වීමට නියමිතය.
පසුගිය මාසය තුළ ලෝක වෙළෙඳපොළේ බොර තෙල් මිල වෙනස් වී ඇත්තේ ඩොලර් 2ත් 3ත් අතර අගයකින් වන අතර අමෙරිකානු ඩොලරයට සාපේක්ෂව රුපියල් ශක්තිමත් වීම හමුවේ එම වෙනස් වීම මෙරට පාරිභෝගික ජනතාවට අවම බලපෑමක් ඇති වන ලෙස ඉන්ධන මිලට ගැලපීම අද සිදු කරනු ඇතැයි මුදල් අමාත්යංශ ආරංචි මාර්ග සඳහන් කළේ ය.
පසුගිය මාර්තු 10 වන දා බ්රිතාන්ය වෙළෙඳපොළේ බොර තෙල් බැරලයක් අලෙවි වූයේ, ඩොලර් 65.74ක් ලෙස වන අතර අමෙරිකානු වෙළෙඳපොළේ එය ඩොලර් 56.06කට අලෙවි විය.