ඉන්දියාවේ ව්‍යාප්ත වෙමින් පවතින B.1.617.2 හෙවත් ඩෙල්ටා කොවිඩ් ප්‍රභේදය ආසාදනය වූ තවත් ආසාදිතයෙකු මෙරට නිරෝධායන මධ්‍යස්ථානයක් තුලින් වාර්තා වී ඇති බව ශ්‍රී ජයවර්ධනපුර විශ්ව විද්‍යාලයේ ආසාත්මිකතා හා ප්‍රතිශක්ති විද්‍යාව සහ ශෛල ජෛව විද්‍යාතනයේ අධ්‍යක්ෂ වෛද්‍ය ආචාර්ය චන්දිම ජීවන්දර අනාවරණය කර සිටී .
. ඉන්දියානු ප්‍රභේදය ආසාදනය වූ ආසාදිතයෙකු මෙරටින් හමුවූ දෙවන අවස්ථාව මෙය වන අතර .මෙරට කොවිඩ් ව්‍යාප්තිය සම්බන්ධයෙන් සිදුකරනු ලබන ජානමය අනුක්‍රමණය සම්බන්ධයෙන් වන නවතම පර්යේෂණ වාර්තාව එලි දක්වමින් වෛද්‍ය ආචාර්ය චන්දිම ජිවන්දර මේ බව අනාවරණය කළේය .
මේ අතර කොළඹ ජාතික රෝහලේ සේවය කරනු ලබන සේවකයින් පිරිසකට B.1.1.7 හෙවත් ඇල්ෆා (බ්‍රිතාන්‍යය) කොවිඩ් ප්‍රභේදය ආසාදනය වී ඇති බවට හඳුනා ගෙන ඇති අතර ඔවුන් සියලු දෙනා කොවිෂිල්ඩ් එන්නතේ දෙවන මාත්‍රාව ද ලබා සිටි පුද්ගලයින් වීම විශේෂත්වයකි . කෙසේ වෙතත්මේ වන විට ඔවුන් සියලු දෙනාම සම්පූර්ණ සුවය ලබා ඇති බවද ජිවන්දර මහතා සඳහන් කර සිටියේය .
එමෙන්ම වේගවත් ව්‍යාප්තියක් සහිත මෙම B.1.1.7 (ඇල්ෆා) කොවිඩ් ප්‍රභේදය කොළඹ, මඩකලපුව, ත්‍රිකුණාමලය, කුලියාපිටිය, වාරියපොළ, මාතර දිස්ත්‍රික්කයේ, හබරාදුව ප්‍රදේශයෙන්, තිස්සමහාරාමය, කරාපිටිය සහ රාගම ප්‍රදේශයන් ගෙන් වාර්තා වී ඇති බව ආචාර්ය චන්දිම ජිවන්දර සඳහන් කර සිටියේය .
