මුදල් ගනුදෙනු වාර්තා කිරීමේ පනතේ ප්‍රතිපාදනවලට අනුකූල නොවන ලෙස ක්‍රියාකල මෙරට ප්‍රධාන පෙළේ බැංකු දෙකකට මහ බැංකුවෙන් දඩ නියම කර ඇත .
යුනියන් බැංකුවට හා ඩි එෆ් සී සී බැංකුවට මෙසේ මහබැංකුව දඩ නියම කර ඇති අතර ,මෙම මූල්‍ය ආයතන විසින් සිදුකරන අදාළ අනුකූල නොවන කටයුතුවල ස්වභාවය හා බැරෑරුම්කම සැලකිල්ලට ගෙන මෙම දණ්ඩන නියම කර ඇති බවද වාර්තාවේ .
2006 අංක 6 දරන මුදල් ගනුදෙනු වාර්තා කිරීමේ පනතේ 19 (1) සහ 19 (2) වගන්ති මගින් පැවරී ඇති බලතල අනුව, මුදල් ගනුදෙනු වාර්තා කිරීමේ පනතේ ප්‍රතිපාදනවලට අනුකූල නොවන ලෙස ක්‍රියා කරන ආයතන සඳහා මූල්‍යමය දණ්ඩන පනවනු ලැබේ.
2021 අප්‍රියෙල් 01 සිට 2021 ජූනි 30 දක්වා කාලයට අදාලව මූල්‍ය බුද්ධි ඒකකය මෙම දඩ පනවා ඇත . දණ්ඩන පනවන ලද දිනය ආයතනය වටිනාකම පිලිබඳ විස්තර පහත දැක්වේ
2021 මැයි 28 යූනියන් බෑන්ක් ඔෆ් කලම්බු පී.එල්.සී. – දඩය රුපියල් 2,000,000.00
2021 මැයි 31 ඩී.එෆ්.සී.සී. බෑන්ක් පී.එල්.සී – දඩය රුපියල් 1,000,000.00
