දම්පත් රණසිංහ
මෙරට කොවිඩ් ආසාදිතව මියගිය පුද්ගලයින්ගෙන් සියයට 97.7 ක පිරිසක් කිසිදු කොවිඩ් මර්දන එන්නතක් ලබාගෙන නැති අය බව සෞඛ්‍ය අංශ සදහන් කරයි.
කොවිඩ් ආසාදිත මරණ සහ කොවිඩ් එන්නත් ලබා ගැනීම් සම්බන්ධයෙන් කළ සමීක්ෂණයකදී ඒ බව තහවුරු වී තිබේ.
එහිදී සෞඛ්‍ය අංශයේ සමීක්ෂණයට ලක්ව ඇත්තේ ඉකුත් 13 වෙනිදා දක්වා රටේ සිදුවූ කොවිඩ් ආසාදිත මරණ 5,775 කි. ඒ අය අතරින් පුද්ගලයින් 5,295 දෙනෙක්ම කිසිදු එන්නතක් ලබාගෙන නොසිටි අය බව එහිදී පෙනී ගොස් තිබේ.
එසේම සෙසු 480 දෙනා කුමන හෝ කොවිඩ් එන්නතක් ලබාගත් අයයි. එසේම ඒ අයගෙන් පුද්ගලයින් 417 දෙනෙක්ම එක් මාත්‍රාවක් පමණක් ලබාගත් අයයි.
කොවිඩ් එන්නත් මාත්‍රා දෙකම ලබාගත් අය මියගොස් ඇත්තේ 63 දෙනෙක් පමණි. එම අගය සැළකෙන්නේ සියයට 1.1 ක් ලෙසිණි.
