කොවිඩ් රෝගීන්ට නිවසේ සිට ප්‍රතිකාර කිරීම සාර්ථකයි!

Picture of පැතුම් වික්‍රමරත්න

පැතුම් වික්‍රමරත්න

කොවිඩ් -19 වෛරසය ආසාදනය වූ පුද්ගලයින්ට නිවෙස් තුළ ප්‍රතිකාර ලබාදීමේ ක්‍රමවේදය සාර්ථක ප්‍රතිඵල පෙන්වන බව පවුල් වෛද්‍ය විද්‍යා, විශේෂඥ වෛද්‍ය මල්කාන්ති ගල්හේන මහත්මිය පෙන්වාදේ .

ඇය පෙන්වා දෙන්නේ, කොවිඩ් ආසාදිතයින් සුවය ලැබීම සඳහා මානසික සෞඛ්‍ය යහපත්ව පැවතීම අත්‍යාවශ්‍ය සාධකයක් වන බවත් , නිවසේ රැඳී සිටින බොහෝ රෝගීන්ගේ මානසික තත්වය යහපත් මට්ටමක පවතින බවත්ය .

පසුගිය ජුනි මස 7වැනිදා ආරම්භ කළ නිවෙස් ගත ප්‍රතිකාර ක්‍රමයෙන් මේ වනවිට කොවිඩ් ආසාදිතයින් 24,847දෙනෙකු සුවය ලබා ඇති බවද විශේෂඥ වෛද්‍ය මල්කාන්ති ගල්හේන මහත්මිය වැඩිදුරටත් සඳහන් කළාය.

මෙහිදී ඇය මෙසේද පැවසීය

“දිවයින පුරා රෝගීන් 41,826ක් අපි නිවෙස්ගත ක්‍රමයට අනුගත කරගෙන තියෙනවා. අපි රෝහල්ගත කරලා තියෙන්නේ රෝගීන් 474ක් පමණයි. නිවසේ රැඳීසිටිමින් කරන ප්‍රතිකාර ක්‍රමයේදී රෝගීන්ගේ මානසික සහනය ප්‍රධාන දෙයක් ලෙස ඔවුන්ගේ ප්‍රතිචාරවලින් අපිට දැනගන්න ලැබුණා. ඔවුන් සමග දුරකථන සංවාද කිරීමේදී අපිට ඒ බව අනාවරණය වුණා. මානසික ආතතිය මේ රෝගයේ සංකූලතා ඇතිවීමට බොහෝ සෙයින් බලපාන කරුණක්.”