ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අනිද්දා (23) පැවැත්වෙන සර්ව පාක්ෂික සමුළුවට ආණ්ඩුවේ හවුල්කාර පක්ෂ ඇතුළු පක්ෂ 6ක් සහභාගි නොවන බවට නිවේදනය කරයි.
විපක්ෂයේ ප්‍රධාන පක්ෂය වන සමගි ජනබලවේගය ඊට සහභාගි නොවන බව දන්වා ඇත.
ජනතා විමුක්ති පෙරමුණ ද ඊට සහභාගී නොවන බව පවසයි.
ලංකා කම්කරු කොංග්‍රසය ද මෙම සමුළුවට සහභාගි නොවන බවට එහි මහ ලේකම් රාජ්‍ය අමාත්‍ය ජීවන් තොණ්ඩමන් මහතා පවසා ඇත.
පසුගියදා ඇමතිකම් අහිමි වූ විමල් වීරවංශ මහතාගේ නායකත්වයෙන් යුත් ජාතික නිදහස් පෙරමුණ සහ උදය ගම්මන්පිල මහතාගේ නායකත්වයෙන් යුත් පිවිතුරු හෙළ උරුමය ද ඊට සහභාගි නොවන බව පවසා ඇත.
පාර්ලිමේන්තු මන්ත්‍රී මනෝ ගනේෂන් මහතාගේ නායකත්වයෙන් යුත් දෙමළ ප්‍රගතිශීලී සන්ධානය ද ඊට සහභාගි නොවන බවට දන්වා තිබේ.
එක්සත් ජාතික පක්ෂය මෙතෙක් ඒ පිළිබඳ ප්‍රකාශයක් කර නැත.
සමුළුවට සහභාගි වන බවට ශ්‍රී ලංකා නිදහස් පක්ෂය දැනුම් දී ඇත.
