ශ්‍රී ලංකාව හා ඉන්දියාව අතර යෝජිත ගොඩබිම් මාර්ගය ඉදිකිරීම කඩිනම් කිරීමට ඉන්දීය රජයේ අවධානය යොමු ඇති බව තානාපති ආරංචි මාර්ග අනාවරණය කර සිටී .
දෙරට අතර වෙළඳ හා වාණිජ සබඳතා තවදුරටත් ශක්තිමත් කිරීම මෙහි අරමුණ වී ඇත . මෙම ගොඩබිම් මාර්ගයට සමගාමීව දෙරට අතර මගී නෞකා සේවයද විධිමත් කිරීමට ඉන්දීය රජයේ විශේෂ අවධානය යොමුව ඇත .
මේ අතර දකුණු ඉන්දියාවේ රාමේශ්වරන් හා තලේමන්නාරම අතර ගොඩබිම් මාර්ගය සැකසීමට කටයුතු ආරම්භ කරන බව ශ්‍රී ලංකාවේ නව ඉන්දීය මහ කොමසාරිස් සන්ටෝෂ් ජා මහතාද පසුගියදා ජනතාව ඉදිරියේ සඳහන් කළේය .
තලෙයිමන්නාරමේදී පැවති හමුවකදී ම ඔහු මේ බව සඳහන් කළේය.
ජනාධිපති රනිල් වික්‍රමසිංහ මහතා මෑතකදී මෙම මාර්ගය සම්බන්ධයෙන් අදහස් පල කර ඇති බවත් ඒ අනුව ඉන්දීය රජයෙන් කළ ඉල්ලීමක් අනුව කඩිනමින් ප‍්‍රතිචාර ඉන්දියාවෙන් ලැබෙනු ඇති බවද හෙතෙම එහිදී පැවසීය.
