ශ්‍රි ලංකා නාවික හමුදාවට චීනයෙන් ලබාගත් p-625 චීන යුධ නෞකාව මීට සුළු මොහොතකට පෙර කොළඹ වරායට සේන්දුවි්‍ය. මෙම නෞකාව චීන රජය විසින් නිල වශයෙන් ශ්‍රි ලංකාවට භාරදෙනු ලැබුවේ පසුගිය ජුනි 06 වැනිදා චීනයේ ෂැංහයි වරායේදීය. එම අවස්ථාවට නාවික හමුදාවේ මාණ්ඩලික ප්‍රධානි රියර් අද්මිරාල් නිශාන්ත උලුගෙතැන්න ඇතුළු නිලධාරින් පිරිසක් සහභාගි වී සිටියහ.
1994 දි නිෂ්පාදනය කළ මෙම නෞකාව මීටර් 112 දිගින් යුතුවේ. පළල මීටර් 12.4කි. ටොන් 23000ක ධාරිතාවෙන් යුතු මෙම නෞකාවේ කාර්ය මණ්ඩලය නිලධාරින් 18ක් හා නැවියන් 110 කින් සමන්විතය.
කපිතාන් නලින්ද ජයසිංහගේ නායකත්වයෙන් යුතු p-625 යුධ නෞකාව මෙරටට අද දින සේන්දු වීමෙන් පසු නාවික හමුදාපතිවරයා ඇතුළු චීන තානාපති නිලධාරින්ගේ සහභාගිත්වයෙන් විශේෂ උත්සවයක් පැවැත්විණි. නාවික හමුදාවට අලුතින් එක්වන මෙම නෞකාව ගැඹුරු මුහුදේ නිරීක්ෂණ කටයුතු සදහා යොදා ගැනීමට නියමිතව ඇත.
ඡයාරූප – ආසිරි ප්‍රනාන්දුගේ මුහුණු පොතෙනි
