ශ්‍රී ලංකාවේ ආර්ථික වර්ධනය පහල වැටේ ! ඊළඟ වසර තවත් ‘අමාරුයි’

2024 වසරේදී 5.00% පැවති මෙරට ආර්ථික වර්ධනය මෙම වසර අවසානයේදී , 3.5% දක්වා පහත වැටෙනු ඇතැයි ලෝක බැංකුව ප්‍රකාශ කරයි.

ලෝක බැංකුව පෙන්වා දෙන්නේ එය 2026-27 වසරවල එය 3.1% දක්වා තව දුරටත් පහත වැටෙනු ඇති බවයි.

ආර්ථික අර්බුදය, ව්‍යුහාත්මක ගැටලු සහ ලෝක ආර්ථික තත්ත්වයන් ඊට බලපා ඇති බව ද ලෝක බැංකුව සඳහන් කරයි.

අසල්වැසි ඉන්දියාවේ ආර්ථිකය 2025-26 වර්ෂවල 6.3%ක ආර්ථික වර්ධන වේගයක් අත්කර ගනු ඇති බව ද ලෝක බැංකුව නිකුත් කළ නවතම ආර්ථික වාර්තාවෙහි සඳහන් වෙයි.